25 мамыр күні Миннеаполис қаласының полиция қызметкерлері Джордж Флойд есімді азаматты отырған көлігінен тұтқындап алды. Қолкісен тағып, полиция көлігіне қарай беттеді. Флойд дүкенде жалған 20 долларлық ақшаны қолданды деп айыпталды.
NY Daily News
Көшенің ар жағында орналасқан көлікке барар жолда не болғаны және не талқыланғаны белгісіз. Кейін келген полиция қызметкерлері бейнебақылау камераларына оқиға орнын анық түсіруге мүмкіндік бермеді.
Алайда желіде қара нәсілді күдіктінің өмірінің соңғы минуттары бейнеленген видео тарады. Офицер Дерек Шовен тізесімен Флойдтың мойнын басқан еді. Сот медициналық сараптама есебінде азамат бұндай күйде сегіз минут бойы бетімен жерге қысылды. Оның үш минуты күдікті тірліктің белгісін бермеді.
видеодан үзінді
Сонымен қатар видеода марқұмның тынысы тарылып, тәртіп сақшыларынан аман қалуын өтінді.
"Өтінемін, жалынамын. Мен дем ала алмай отырмын", - деп өтінді ол.
Халық бірауыздан құқық қорғаушы органдардың бұндай өрескел іс-әрекетіне ашуланды. Төрт офицерлермен ұсталған Джордж Флойдқа физикалық қысым көрсетудің, өлімге дейін жеткізудің еш қажеті болған жоқ дейді.
Бұл оқиға қара нәсілді адамдардың өмірін қорлауға, құқығын бұзуға қарсы қозғалыстың (Black Lives Matter) жаңа толқынын тудырды. Миннеаполис тұрғындары полиция учаскісін өртеп, төрт күн қатарынан алаңға шығып наразылық білдіруде. Айта кетерлігі, шараға елдің барлық жанашыр азматтары ат салысуда.
Халық Джордж Флойдты еш негізсіз өлтірген полиция қызметкерлеріне қатысты тергеу ісінің әділ әрі ашық түрде өтуін талап етуде. Америкалықтар адам өмірін дене түсіне қарап бағалайтын тәртіп сақшыларынан әбден қажыды. Заман өзгергенімен, адам құқығы әлі де тапталып жатқаны кімнің де болмасын назарынан тыс қалмайды.
"Қылмыскерді жасырмаңдар! Барлық кінәлі офицерлер жазалансын! Кез келген адам өмірі құнды!" деген ұранмен халық ірі алаңдар мен офицердің үйін қоршап алған. Тәртіпсіздікті реттейтін ешбір тәртіп сақшысы көрінбейді. Жергілікті тілші қызмет кезінде бұндай бақылаусыз өткен наразылықтарды бірінші рет көріп тұрғанын айтты.
Халық полиция қызметкерлеріне ғана емес, БАҚ өкілдерін қорқытуда. Атлантадағы CNN орталығын бір топ азаматтар таңғы сағат 03:00-тен бастап тас атқылап, түтін бомбаларын атумен болды.
The Independent
Жергілікті клуб иесі марқұм Флойд пен қысым көрсеткен офицер Дерек Шовен кезінде бір жерде қызмет еткенін мәлімдеді. Алайда екеуінің бір-бірімен таныс болуы-болмауы әлі де анықталған жоқ.
Джордж Флойдтың өліміне кінәлі болып айыпталған Шовеннің атына қызметі кезінде 17 шағым түскен екен. Салдарынан тек екі ресми сөгіс жарияланған.
