Дастан Әдіқановтың жақындары марқұм мен күдіктінің арасында достық қарым-қатынас болмаған дейді. Олар тек бір рет кезекшілікте бірге болған көрінеді. Сол күні блокбекет маңында не істеп жүргені белгісіз.
Зайыбы Динара Аман күйеуімен қоштасып та үлгермегеніне өкінеді. Айт мерекесі шаруасымен жүрген еді. Марқұмның әріптесімен жанжалдасты деген нұсқаға сенбейді, шындықтың түбіне жетуге дайын.
"Үш адамның отбасын ойрандап кетіп отыр. Үш отбасында қанша баланың болашағы қалды, қанша жар еңіреп қалды, қанша ана, қанша әке қан жұтып қалды. Оның өзі осы үш отбасының басына келген үлкен қайғы-қасірет. Ол адам жер басып жүрер, өмір сүрер, тамақ ішер, ұйықтар, бірақ мен ойлаймын, түптің-түбінде Алла жазасын береді", - дейді марқұмның анасы Жанатгүл Әбірова.
