"Барыс" командасы соңғы кездесулерде сенімді ойын көрсете алмай келеді. Атап айтқанда, соңғы алты ойынның төртеуінде қарсыласына есе жіберді.
"Металлург" командасы "Барыстың" ыңғайына жығылып кете қойған жоқ. Ресейлік клуб хоккейшілері алғашқы болып есеп ашты. Ойынның 5-минутында олардың қатарынан Денис Паршин қазақстандық клубтың қақпасын дәл көздеді. Ал елордалық хоккейшілер сапынан 29-минутта Даррен Диц таразы басын теңестірді.
Ал 32-минутта "Металлург" хоккейшісі Максим Матушкин қайтадан ресейлік клубты алға шығарды. Осылайша "Барыс" қарсыласына 1:2 есебімен жол беріп қойды. Айта кетерлігі, "Барыс" үшінші ойын қатарынан жеңіліп отыр.
Фото авторы : inform.kz
