Бірінші кезеңде елордалық клубтың басымдығы байқалды. Десе де қос команданың да қақпалары бос қалды.
Екінші кезеңнің 25-минутында "Динамо" ойыншысы Рихард Маренис өз командасын алға шығарды. Бұдан кейін 31-минутта "Барыс" сапынан Әлихан Әсетов таразы басын теңестірді. Ал 34-минутта "Динамо" тағы да гол соғып кетті. Оны латыш хоккейшісі Лаурис Дарзиньш өз еншісіне жазды.
"Барыс" үшінші кезең бастала салысымен тағы да таразы басын теңестірді. Ойынның 41-минутында Роман Старченко мергендік танытты. Ал 48-минутта латыш хоккейшісі Картер Эштон гол соғып кетті. Ойынның 54-минутында Әлихан Әсетов кездесу барысындағы өзінің екінші голын қақпаға енгізді. Есеп 3:3. Соңғы минуттарда қос команда да жеңіске жету жолын іздеді. Кездесу овертаймға ұласты. Овертаймда латыш командасынан Кристарс Сотниекс жеңіс шайбасын соғып кетті. Нәтижесінде "Барыс" қарсыласына 3:4 есебімен жеңіліп қалды.
