Есепті алғаш болып "Амур" хоккейшілері ашты. Оны 18-минутта Томаш Загорна орындады. Ал екінші кезеңнің 25-минутында "Барыс" хоккейшісі Антон Сагадеев таразы басын теңестірді. Ал 30-минутта "Амур" сапынан Игорь Руденков қайтадан өз командасын алға шығарды. "Барыс" жігіттері 32-минутта тағы да таразы басын теңестірді. Соғылған шайба Алексей Маклюковтың еншісіне жазылды.
Соңғы кезеңде айдын иелері ойын тізгінін бірден қолға алуға тырысты. Қарсыластар қақпасы маңында жиі шабуыл ұйымдастырды. Нәтижесінде Қазақстан командасы сапынан Корбан Найт гол соқты.
Осылайша "Барыс" клубы "Амурды" 3:2 есебімен тізе бүктірді.
"Барыс" ендігі кезекте 8 және 9 қыркүйекте Қытай астанасы - Бейжің қаласында жергілікті "Куньлунь Ред Стар" комндасымен екі кездесуде айдынға шығады. Ал 11 қыркүйекте сыртта бүгінгі қарсыласы - "Амурмен" кездессе, 13 қыркүйекте "Адмиралмен" ойнайды.
