Еске салайық, қайғылы оқиға 7 маусымда болған еді. Өрт салдарынан 20 жастағы Ерлан Анар қайтыс болған. Марқұмның денесінің 98 пайызы күйіп қалған. Отбасындағы сегіз баланың тұңғышы екен. Газ құю станциясында өткен жылдың күзінен бері жұмыс істеп келген. Зардап шеккен отбасыға берілетін материалдық көмек мөлшері әзірше айтылмады. Ал тексеру тобы шыққан қорытындыны полиция департаментіне жолдайды.
"Бригаданың құрамын толық жасақтамаған. Екі адамның орнына бір адамды жұмысқа жіберген, негізі сол. Технологиялық ережелер орындалмаған, осы газ толтыру жұмыстарының технологиялары жасалмаған. Ол техникалық ережеде барлық тәртібі, қандай қауіпсіздік шаралары бар, қалай істелуі керек - бәрі толық жазылуы керек. Онымен оператор таныстырылуы қажет. Соны таныстырып оқыту жағы бұл жерде толық жүргізілмей отыр", - дейді ҚР ИИДМ комитетінің Шымкент қаласы бойынша департамент басшысының орынбасары Сәрсенбай Теңлесбай.
