Күні кеше журналистері Белоруссиядағы коронавирус жағдайына уайымдап, арнайы зерттеу жүргізген Ресей әлемдік дәрежедегі БАҚ-тарын спекуляция жасау мен мемлекет атын қаралауында айыптап отыр.
Дау Ресейдегі коронавирустан қайтыс болғандар статистикасына қатысты мақаладан туды. Financial Times пен The New York Times басылымдары Мәскеу мен Санкт-Петербургте шынайы көрсеткіштер ресми келтірілген статистикадан 70 пайызға артық болуы мүмкін деп жазды. Зерттеуге сәйкес, Мәскеуде соңғы жылдардағы өлім көрсеткішімен салыстырғанда 2020 жылы сәуірде қайтыс болғандар саны орташа көрсеткіштен шамамен 2 мың адамға артық. Ал ресми мәлімет бойынша Мәскеуде 642 адам коронавирустан көз жұмған.
The New York Times өз кезегінде мақаланың ресми дерек негізінде жазылғанын мәлімдеді.
"Мақалада келтірілген фактілерге күмән жоқ", - деді The New York Times басылымының коммуникация жөніндегі вице-президенті Даниэль Роадс.
Мәскеу қалалық денсаулық сақтау департаменті ақпарат құралдарындағы адам өлімі көрсеткіші туралы деректі жоққа шығарған. Мәлімдемеде коронавирус жұққан пациенттер өлімінің шамамен 60 пайызы ресми статистикаға қосылмайтыны, себебі олардың өліміне өзге аурулар себеп болғаны жазылған.
