8 сәуір күні ол ұйымның негізгі атқаратын қызметі мен мақсатын түсіндіріп COVID-19 саясат алаңына еш қатысы жоқ екендігін сендірді.
"Әлемдік деңгейде бірігіп, COVID-19 вирусын саяси мақсатта қолданбауыңызды өтінеміз. Біз әлемнің барлық елімен достық қарым-қатынастамыз. Ешкімді де түс, ұлтқа бөлмейміз. Әлем мықтылары өзгелерге үлгі көрсете білу керек", - деді ұйым басшысы.
Бұл мәлімдеме АҚШ президенті Дональд Трампқа арналған жауап болуы керек. Ол осыған дейін ұйымды Қытаймен сыбайластығы бар деген айып тақты. Сонымен қатар ел атынан ұйым қорын қаржыландыруды тоқтатуы мүмкіндігін айтты. Айта кетейік, бұл - ДДСҰ бюджетінің 15% үлесі.
"ДДСҰ үлкен ағаттық жасады. Неге екені белгісіз, негізгі қаржыландыру Америка Құрама Штатынан келсе де, бар назары Қытайда. Бұл мәселені бей-жай қалдырмаймыз. Осыған дейін олардың Қытаймен шекараны ашық қалдыру ұсынысынан бас тарттым. Неліктен бұндай теріс ой қалдыруы мүмкін?" - деп жазды Трамп өзінің Twitter парақшасында.
Біріккен Ұлттар Ұйымының Бас хатшысы Антонио Гутиеррес те ұйымды қорғап, пікір қалдырған еді.
Таралып жатқан вирус бұрын соңды болмаған жайт, онымен күресу жолы келешекке үлгі болатындай күш біріктіру керектігін басып айтты.
