Facebook желісіндегі "Немолчиkz" парақшасында видео жарияланды. Бейнежазбадағы оқиға Орал қаласының Зачаганск ықшам ауданында болған. Кадрларда белгісіз біреудің ойын алаңындағы екі қызға жақындағаны анық көрінеді. Олармен біраз әңгімелескеннен кейін азамат қыздардың біреуін алып жүре бастайды. Сол мезетте қыздың көршісі келіп, белгісіз азаматтың бетінен ұрып тоқтатады.
Полиция департаменті бөлімшеге оқиға туралы хабарлама 2 тамызда сағат 21:30 шамасында түскенін айтты. Тәртіп сақшыларының хабарламасына сәйкес, оқиға Мөңкеұлы көшесіндегі үйдің ауласында болған: белгісіз біреу алты жасар қызға жақындап, оны белгісіз бағытта алып кетуге тырысқан.
Полицияның мәліметінше, күдіктінің жеке басы анықталды және қамауға алынды. Қазір полиция оқиғаның барлық мән-жайын тексеріп жатыр. Тексеріс аяқталғаннан кейін бөлім процессуалдық шешім қабылдайды. Сонымен қатар, полиция қамауға алынған кезде ер адамның мас болғанын да қоса кетті. Оның алкогольдік масаң күйі "орташа" деп бағаланды.
#педофил #орал #қыз #бүлдіршін
