Polisia.kz сайтының хабарлауынша, 10 шілдеде сағат 18.00 шамасында әлдекім полиция бөліміне қоңырау шалып, "Самал" шағын ауданындағы сауда үйінде белгісіз әйел пышақпен қаруланып, әмбебап дүкеннің қызметкерлері мен келушілеріне балағат сөздер айтып, тағам өнімдерін жан-жаққа лақтырып, дүкен сөрелерін қиратып жатқанын хабарлаған.
30 жастағы бұрын сотты болған әйел оқиға орнына жеткен полиция қызметкерлеріне қарсылық көрсеткен. Дегенмен, тәртіп сақшылары оны ұстап, Полиция басқармасына жеткізген.
#пышақ #қылмыс #нұр-сұлтан #дүкен
