USD 426.19
EUR 496.26
RUB 5.53
«Алыптың қуаты – халықта, халықтың қуаты – бірлікте!»
 
RSS лента

Атырауда адуынды ит баланы жұлмалап тастады

  • 03.августа.2020, 17:30,
  • 57

Атыраудағы "Самал-2" ықшам ауданының тұрғындары қаңғыған ит қаптап кеткенін айтып, шағымданып жатыр. Бұралқы иттер үлкенге шауып, кішісін қауып, әбден зәрезап қылған көрінеді деп хабарлайды "Хабар24" арнасы. 

6 жасар Аспандияр күні кеше түстен кейін алаңсыз ойнауға кеткен. Еш уайымсыз үйде отырған ата-ана жан ұшыра жылаған ұлының дауысын естіп, далаға атып шыққан. Қаңғыбас бұралқы ит кішкентай балаға шауып, басынан тістеп тастапты. Жұлмалағаны сонша, ақ халаттылар баланың бас терісін 4 жерден тігіпті. Қазір жағдайы жақсы, бірақ әбден шошып қалған. "Кеше түскі 2 шамасында ұлым сыртқа шығып кеткен. Жылаған дауысынан шошып, сыртқа жүгірдік. Иесіз ит талап тастапты. Қанша қарсылық көрсетсе де бала ғой. Әлі келмеген. Басынан тістеген. Бірнеше жерден тікті. Қазір ем қабылдап жүрміз. Бұл оқиға ең соңғысы болса екен дейміз", – дейді қала тұрғыны Рахима Ордағанова.


Қалалық ветеринария станциясындағылардың айтуынша, бұралқы иттерді жою жұмыстары жоспарлы түрде жүргізіліп жатқан көрінеді. Мамыр айынан бері қалада 3 мыңға жуық қаңғыған иттің көзі құртылған. Тұрғындардан түсетін шағым да аз емес екен. "Мамыр айынан бастап толыққанды жұмысқа кірістік. Қазіргі таңда қалада 3 бригада жұмыс жасайды. 3 бригада қаланың айналасындағы 7 ауылдық округ пен қаланың ішіндегі бұралқы иттерді жоюмен айналысады. Қазір 38-24 күн арасында бір күнде бұралқы иттер жойылып тұрады", – дейді қалалық ветеринария станциясының директоры Сатыбалды Оразбаев. Бұралқы иттердің көзін жою үшін былтыр 42 млн теңге көлемінде қаражат бөлінген. Биылға берілетін ақша да шамамен осы мөлшерде болмақ. Әзірге соның 3 млн астамы игеріліпті. Еске сала кетсек, әлеуметтік желіде маусым айының басында итті қорлауға байланысты видео тараған болатын. Онда ер адамның итті тұншықтырғаны көрініс тапқан. Осыдан кейін қылмыстық іс қозғалғанын жазған болатынбыз. 


#ит #бала #атырау #жарақат

скачать dle 12.0
Тағы да оқыңыздар:
08.07.2020
11.12.2019
30.09.2019
13.09.2019
21.06.2019
ПІКІР
24 қыркүйек18:42,
Экономика
Төлемнің көлемі өсе ме?  
24 қыркүйек17:18,
саясат
"Цой жауап берсін"!  
24 қыркүйек14:04,
Тарихи мұра
Абайдың қандай мақсаты болды?  
24 қыркүйек12:08,
саясат
Өлім жазасы жойылды  
22 қыркүйек13:48,
Тарихи мұра
Зобалаң зардабы – зілбатпан  
05.09.2019, 09:30 388 593

Айгүл Орынбек


Елорданы – «Нұр-Сұлтан» атауына өзгертуі дұрыс па?
«    Қыркүйек 2020    »
ДсСССрБсЖмСнЖс
 123456
78910111213
14151617181920
21222324252627
282930