Ол үшін министрлік қаулыны өзгерту керек. Құжат жобасы осы апта ішінде әзірленбек.
"3 мыңға жуық иемденбеген грант қалды. Кейбір мамандықтарға үміткерлер болмады, бөлінген гранттар иесіз қалды. Бұл гранттар үкіметтің қаулысында жеке атап айтылған. Ережеге сәйкес, оларды қазір үлестіре алмаймыз. Сондықтан қаулы өзгертілгеннен кейін грантсыз қалған талапкерлер арасында үлестіріледі", - деді білім және ғылым вице-министрі Фатима Жақыпова.
Министрліктің айтуынша, иемденбеген гранттарға арнайы құжаттар тапсырудың қажеті жоқ.
"Бұл "Серпін" бағдарламасының ауыл шаруашылығы бағытындағы квоталық орындар. Олар иемделінбей қалды. Оларды техникалық мамандықтарға ауыстыру үшіне үкімет қаулысы өзгертілуі тиіс", - деп қорытындылады ол.
Фото авторы : 365info.kz
