"Рас, наразылық болды. Сұхбат жарияланғаннан кейін Нұр-Сұлтанға жол тарттық. Бас прокуратураға бұл жөнінде шағымдандық. Төрт күннен кейін қырқы болады. Екі қаланың арасында қалдық. Петропавлдың тумасымыз, қызымызды сонда жерледік. Басқа нәрсе туралы ойлауға уақыт жоқ", - деді қыздың әкесі Ермек Кабулов.
Бұған дейін, марқұм қыз оқыған білім ордасының директоры оның оқу бағдарламасын өзге қазақ мектебінде меңгере алмағандықтан бірінші сыныпқа екінші мәрте барғанын айтқан болатын.
Мектеп басшысының сөзінше, комиссия оған "органикалық генездің психологиялық дамуындағы кідірту" деген д иагноз қойды.
Марқұмның әкесі бұл диагнозды растамайтын құжаттарды жинап шыққан.
"Эмоцияға ерік берген сұхбатым үшін кешіріңіздерші. Мен сіздердің Ажар жайлы естеліктеріңіз бен ата-аналық сезімдеріңізге нұқсан келтіргім келген жоқ", - деп өкінді мектеп директоры.
Алайда Ермек Кабулов өз ойынан таймайды.
"Маған біраз адам келіп-кетті. Бірақ оның келгені есімде емес. Ешқандай көмек көрсетілмеді", - деді әкесі.
