Ғаламторға қосылған құрылғылардың саны мен абоненттердің мобильді интернет жылдамдығына талаптары әр жыл сайын өсіп келеді. Телекоммуникациялық құрал-жабдықтарды шығарушылар мен байланыс операторлары жаңа сың-тегеуріндерді ескере отырып, желі архитектуралары мен өзара әрекет ету регламенттерін өзгертуге дайындалып жатыр. Төртінші буын желілері эволюциясының келесі кезеңі болып бесінші буын желілері әлем елдерінде үлкен қадаммен алға жылжып келеді.
5G - бұл өте жоғары жылдамдық, бірақ әрине аталмыш технология онымен шектелмейді. Ол пилотсыз автомобильдер, виртуалды және толықтырылған шыңдық, тіпті қашықтағы хирургия сияқты бағыттардың дамуына себепші бола алады.
Мобильді технологиялардың бесінші буыны алдыңғыларға қарағанда деректерді жіберудің 10-100 есе асатын өте жоғары жылдамығымен ерекшеленетін болады. Сүйікті сериалдың бүкіл сезонын жүктегіңіз келеді ме? Оны іске асыру үшін сізге бірнеше секунд қажет болады.
Деректерді жіберудің жоғары жылдамдығынан басқа, бұл технологияның артықшылығы ретінде төмен латентттілікті айтуға болады. Пайдаланушы сілтемеге басқан кездегі мезет пен желі керек сайтты ашып жауап берген мезет арасындағы уақыт айырмашылығы кідіріспен анықталады. Қазіргі қолданыстағы технологиялар бұл уақыт 20 мс қамтыса, 5G технологиясы бұл айырмашылықты 1 мс-ке дейін қысқарту ықтималдығын береді. Осындай жауап беру жылдамдығы алуан түрлі пайдалы мүмкіндіктерді ашады: Нью-Йорктегі оташы әлемнің басқа шетіндегі роботтандырылған манипулятордың көмегімен ота жасай алатын болады, пилотсыз автокөліктер бір-бірімен шынайы уақыт режимінде бір-бірімен өзара әрекет ете алатын болады, сондай-ақ виртуалды шынайылықтағы видео ойындар одан сайын интенсивті және әсерлі бола алады.
Сонымен бірге, "ақылды қала" тұжырымдамасына қатысты келесі қызметтердің одан сайын дамуына себепші ретінде әбден болуы мүмкін: қауіпсіз қала, электрондық үкімет, электрондық денсаулық сақтау жүйесі, электрондық білім беру мен электрондық банкинг, ақылды электр желілері мен т.б. 4К/8К жаңа видео қызметтерін толығымен пайдалануға мүмкіндік туады.
