Bellingcat және The Insider басылымдары жүргізген зерттеуде Навальныйды уламақ болған ФҚҚ (ФСБ) қызметкерлері туралы баяндалады.
Bellingcat және The Insider жүргізген зерттеуде бірнеше жыл бойы Навальныйды бақылап, оны "Новичок" уымен уламақ болған деген ФСБ арнайы тобының 8 қызметкерінің есімі аталады.
Ұялы телефон биллингінің деректерін офлайн деректер базасымен салыстыру арқылы бұл іске қатысы бар қызметкерлердің кім екені анықталған.
Навальный бұл жағдайды "мемлекет тарапынан жасалған терроризм" деп атады.
"Жоғарыдағы басшылардың басқаруымен ФҚҚ бөлімі 2 жыл бойы операция жүргізді. Оның барысында қызметкерлер мемлекеттік құпия зертханадан химиялық қару алып, мені және отбасымды бірнеше рет өлтіруге тырысты. Әрине, мұндай ауқымды және ұзақ мерзімді операцияны ФҚҚ басшысы Бортниковтан басқа ешкім ұйымдастыра алмайды. Ол Путиннің бұйрығынсыз ешқашан мұны істеуге батылы бармас еді", - дейді оппозиционер.
#навальный #оппозиционер #ресей #улану #видео
