CNN-нің мәліметіне сай, Навальныйға «Новичок» тобына жататын у берген. Саясаткердің ағзасында қандай да бір удың бар-жоғын анықтау жұмыстары Германияның қарулы күштеріне тиесілі зертханада жүргізілген. Кейін оның нәтижесімен канцлер Ангела Меркель танысып, министрлер кабинетінің мүшелерімен бірге талқыға салған. Бұдан бөлек, Берлин енді Химиялық қаруға тыйым салу жөніндегі ұйыммен байланысқа шықпақ.
Еске сала кетейік, 20 тамызда Навальный «уланған болуы мүмкін» деген күдікпен Омбы ауруханасына түсті. Бірнеше күннен соң ол Берлиндегі емханаға жеткізілді. Тексеруден кейін неміс дәрігерлері оппозиционердің уланғанын мәлімдеді. Қазір Навальный жансақтау бөлімінде. Дәрігерлердің айтуынша, өміріне қауіп төніп тұрған жоқ. 

#навальный #оппозиционер #ресей #германия #новичок