"Гонконгтағы наразылық шараларының ушығуына, соның ішінде университеттер аумағы мен іргелес жатқан аудандарда жағдайдың шиеленісуіне байланысты бірқатар жоғары оқу орындары, оның ішінде қазақстандық студенттер оқитын университеттерде екінші семестрге дейін сабақтарды тоқтату немесе қашықтан оқытуға көшу туралы шешім қабылданды. Бұл 2020 жылдың қаңтар айы", - деді Смадияров.
Қазақстанның Сыртқы істер министрлігі онда оқып жатқан барлық студенттерге елге қайтуға, ал қазақстандықтарға шұғыл мәселе тумаса, қалада жағдай тұрақталғанша Гонконгқа бармауға кеңес береді.
118 студент елге қайтып үлгерді. Алдағы күндері тағы 40-қа жуық қазақстандық студентті алып келу жоспарланған.
Фото авторы : tengrinews.kz
