Ильин шенеуніктің қос азаматтығына қатысты Instagram-парқшасында пікір білдірді. Ол Қазақстанда білікті спорт жетекшілері көп емесін айтып, Почиваловқа мүмкіндік беру керек деп жазды.
"Мен Олег Почиваловты құрметтеймін. Егер қос азаматтықты елден кету үшін алса, онда ол Қазақстанда тұрып, жұмыс істемей-ақ, ол елге баяғыда кетіп қалар еді. Елімізде білікті спорт кадрларын сақтауға тырысуымыз қажет. Өйткені ондай адамдар саусақпен санарлық. Егер Ресей Федерациясының азаматтығы болмаса, онда Олег Почиваловқа аймақтағы спортты дамытуға мүмкіндік беру керек", - деп жазды Ильин.
Айта кетейік, Шымкент қаласының спорт басқармасы басшысы Олег Почивалов Ресей азаматтығын алғаны белгілі болғаннан кейін Қазақстан азаматтығынан айрылған еді.
Шымкенттік шенеуніктің қос азаматтығы туралы ақпарат желіде бірнеше ай бұрын пайда болды. Бұл ақпаратты қала әкімдігінде теріске шығарған болатын, бірақ кейінірек полиция растады.
