USD 426.77
EUR 509.95
RUB 5.89
«Алыптың қуаты – халықта, халықтың қуаты – бірлікте!»
 
RSS лента

Ректорлар халыққа есеп береді

  • 10.қараша.2020, 16:12,
  • 125

Жыл сайын ЖОО ректорлары қаржылық-шаруашылық қызмет пен ғылыми-зерттеу, оқыту жұмыстары жөнінде халық алдында есеп береді. 

Бұл туралы ҚР Білім және ғылым вице-министрі Мирас Дәуленов Орталық коммуникациялар қызметіндегі брифингте еске салды.

«ЖОО-ларды төрт санат бойынша саралау маңызды бағыт болып отыр. Бұл – халықаралық тәжірибе. Бұл жоғары оқу орындарының қандай деңгейде екенін түсінуге қажет. ЖОО-ларды саралау негізінде түлектерді жұмысқа орналастыру деңгейі, елдің, өңірдің, қандай да бір саланың дамуына қосқан үлесі болады, осылайша академиялық дербестік бірте-бірте кеңейеді», - деп түсіндірді вице-министр.

Оның айтуынша, екінші маңызды нәрсе – ЖОО-лардың басқару дербестігін қамтамасыз ету. Бұл бағыттағы жұмыс түбегейлі қайта құрылды. Енді ЖОО-лар алқалық басқару органдарын, формаларын айқындай алады және заңды тұрғыда олардың нақты түрлерін, басқару органдарын айқындау шектелмейді.

«Сондай-ақ, жоғары білім сапасына қойылатын талаптарды арттырамыз. Яғни, біздің тарапымыздан жоғары білім беру жүйесі мемлекеттік стандарттар, ЖОО қызметінің үлгілік ережелері арқылы реттеледі. Осыған байланысты біз жыл сайын ЖОО ректорлары оқу орнының қаржылық-шаруашылық қызметі, ғылыми-зерттеу және оқу жұмыстары бойынша жұртшылық алдында есеп беретінін көздеп отырмыз. Бұл «халық үніне құлақ асатын мемлекет» тұжырымдамасындағы өте маңызды сәт. Тағы бір айта кетерлігі – шетелдік жоғары оқу орындарындағы білім алушылар мемлекеттік тапсырыс берілген немесе халықаралық аккредитациясы бар жоғары оқу орындарына ауыстырылады. Бұл да білім сапасын арттыруға бағытталған», - деді М. Дәуленов.



#ректор #жоо #есеп #университет #колледж #оқушы #ұстаз #студент

скачать dle 12.0
Тағы да оқыңыздар:
02.11.2020
17.10.2020
09.10.2020
06.08.2020
06.06.2019
ПІКІР
12 июня19:01,
сараптама
Әке - асқар тау  
«    Маусым 2021    »
ДсСССрБсЖмСнЖс
 123456
78910111213
14151617181920
21222324252627
282930