USD 426.77
EUR 509.95
RUB 5.89
«Алыптың қуаты – халықта, халықтың қуаты – бірлікте!»
 
RSS лента

Қазақстан мен Қытай арасындағы трансшекаралық сулар бойынша келіссөздер өткізгенде қиындықтар болды

  • 06.қараша.2020, 15:33,
  • 259

ҚР Экология, геология және табиғи ресурстар министрі Мағзұм Мырзағалиев Қытаймен арадағы трансшекаралық сулар бойынша келіссөздердегі қиындықтар туралы айтты

Қазақстан мен Қытай Халық Республикасы арасындағы су қатынастары Трансшекаралық өзендерді пайдалану және қорғау саласындағы ынтымақтастық туралы үкіметаралық келісіммен реттеледі. Оған 2001 жылы қол қойылған.


- Осы Келісімді іске асыру мақсатында трансшекаралық Өзендерді пайдалану және қорғау жөніндегі қазақстан-қытай бірлескен комиссиясы, сондай-ақ сарапшылардың жұмыс тобы құрылды. 2003-2020 жылдар аралығында бірлескен комиссияның 17 отырысы және сарапшылардың жұмыс тобының 16 отырысы өткізілді. Бүгінгі күнгі негізгі проблема Трансшекаралық өзендердің су ресурстарын бөлу жөніндегі келісімнің болмауында. Негізі келісім бойынша жұмыс 2015 жылдан басталған, - деді министр Сенаттағы отырыста.


Ол Қытай шекара маңындағы ешбір елмен су бөлу жөнінде келіссөздер жүргізбейтінін ерекше атап өтті. Қазақстан Қытаймен келіссөздер жүргізіп жатқан алғашқы және жалғыз ел болып табылады.


- Біз келісімге трансшекаралық өзендердің экожүйесін сақтау мәселелерін қосуды талап етеміз. Қытай тарапы бұған мүдделі емес. Осыған қарамастан, қазақстандық сарапшылардың табандылығының арқасында өткен жылы Қытай тарапымен су ресурстарына және трансшекаралық су объектілерінің экожүйелерін сақтау құқықтарын жан-жақты қарау туралы келісімге қол жеткізілді. Келіссөздер жалғасуда, - деп түсіндірді Мырзағалиев.


2013 жылы Қорғас трансшекаралық өзенінде бірлескен су торабы салынғанын және Бірлескен пайдалану туралы үкіметаралық келісімге қол қойылғанын еске саламыз. Бүгінгі күні су торабын тараптар сәтті пайдалануда.


Сондай-ақ, 2019 жылдың соңында Сумбе өзеніндегі бірлескен гидротехникалық құрылысты қайта құру аяқталды. Жақын арада аталған құрылысты Брлесіп пайдалану туралы үкіметаралық келісімге қол қойылатын болады.

скачать dle 12.0
Тағы да оқыңыздар:
10.10.2020
10.10.2020
24.10.2019
12.09.2019
28.05.2019
ПІКІР
12 июня19:01,
сараптама
Әке - асқар тау  
«    Маусым 2021    »
ДсСССрБсЖмСнЖс
 123456
78910111213
14151617181920
21222324252627
282930