9 қазанда Ереванда Еуразиялық экономикалық одақтың үкіметаралық кеңесінің отырысы басталды. Оған Армения, Ресей, Қазақстан, Беларуссия үкіметтерінің басшылары - Никол Пашинян, Михаил Мишустин, Асқар Мамин, Роман Головченко қатысады. Ереванға Қырғызстан өкілі келген жоқ, бұл осы елдің ішкі саяси жағдайымен түсіндірілдлі.
Үкімет басшылары Еуразиялық экономикалық интеграцияны 2025 жылға дейін дамытудың стратегиялық бағыттарының жобасын, трансшекаралық электрондық сауданы, сондай-ақ одақ актілерін іске асыру барысын реттеу жайын талқылайды. Кездесуге қатысушылар санитарлық-эпидемиологиялық жағдайға және Одақ елдеріндегі коронавирус пен басқа да жұқпалы аурулардың таралуын болдырмайтын кешенді жоспардың орындалуына назар аударады. Одақтың 2019 жылға арналған бюджетін орындау туралы шешім қабылдау және 2021 жылға арналған бюджет жобасын талқылау жоспарланып отыр.
Еуразиялық экономикалық комиссия 2018-2019 жылдары Одақтың ішкі нарығында жеңілдіктер мен шектеулерді жою бойынша Жол картасын іске асыру және 2019 жылы мүше елдер арасындағы өзара сауданың жай-күйі туралы ақпарат береді.
Кеңесте осы одаққа мүше мемлекеттердің тауарларының экспортын қолдау жөніндегі бірлескен шараларды әзірлеу туралы шешім қабылдайды. Кездесуге қатысушылар өнімнің жекелеген түрлерін сәйкестендіру құралдарымен таңбалау мәселелерін талқылайды.
#ереван #премьер-министр #мамин #үкімет
