USD 459.6
EUR 493.06
RUB 5.38
«Алыптың қуаты – халықта, халықтың қуаты – бірлікте!»
 
RSS лента

Премьер-министр ЕҚДБ директорымен келіссөздер жүргізді

  • 23.қыркүйек.2021, 12:24,
  • 191

ҚР Премьер-министрі Асқар Мамин Еуропа қайта құру және даму банкінің (ЕҚДБ) президенті Одиль Рено-Бассомен келіссөз жүргізді.

"Қазақстанда ЕҚДБ қызметі кезеңінде экономиканың қаржы, инфрақұрылым, ТКШ, энергетика, шағын және орта бизнес, ауыл шаруашылығы және АT сияқты басым салаларында жалпы сомасы $10 млрд-тан астам 300-ге жуық жоба қаржыландырылды. 2021 жылдың қорытындысы бойынша жалпы көлемі $600 млн болатын бірлескен жобаларды іске асыру жөнінде келісімдерге қол қойылады", — деді Мамин.


Тараптар биылғы наурызда қол қойылған ҚР Үкіметі мен ЕҚДБ арасындағы елдің тұрақты дамуы мен өсуіне жәрдемдесуге бағытталған ынтымақтастықты кеңейту жөніндегі әріптестік туралы негіздемелік келісімнің іске асырылу барысын талқылады.


ЕҚДБ-ның инфрақұрылымды дамытуға қатысуын одан әрі кеңейту, Қазақстанның энергетикалық секторын декарбонизациялау бағдарламасын, ЕҚДБ-ның "Жасыл қалалар" жобаларын іске асыру, кәріздік тазарту құрылыстарын жаңғырту, сондай-ақ шағын және орта бизнесті қолдау мәселелері қаралды. Үлкен Алматы айналма автомобиль жолын (ҮАААЖ), Алматы қаласындағы С.Ж.Асфендияров атындағы аурухананы және мемлекеттік-жекешелік әріптестік шеңберінде денсаулық сақтаудың басқа да объектілерін салу жобаларына ерекше назар аударылды.



Келіссөз қорытындысы бойынша Алматы қаласының әуежайын жаңғырту және кеңейту, "Қызылорда – Жезқазған" автомобиль жолын реконструкциялау жобалары бойынша ынтымақтастық туралы келісімдерге қол қойылды.


Кездесуге Премьер-министрдің бірінші орынбасары Әлихан Смайылов, ұлттық экономика министрі Әсет Ерғалиев, индустрия және инфрақұрылымдық даму министрі Бейбіт Атамқұлов, қаржы министрі Ерұлан Жамаубаев, экология, геология және табиғи ресурстар министрі Серікқали Брекешев, денсаулық сақтау министрі Алексей Цой, энергетика бірінші вице-министрі Мұрат Жүребеков қатысты.

скачать dle 12.0
Тағы да оқыңыздар:
22.09.2021
13.09.2021
03.08.2021
05.02.2021
20.10.2020
ПІКІР
02 қантар11:40,
Әлем / Видео
Мысырда бұршақ пен қар жауды   Видео
«    Маусым 2024    »
ДсСССрБсЖмСнЖс
 12
3456789
10111213141516
17181920212223
24252627282930