Бұл сайлауда ешқандай бәсеке болған жоқ. «Нұр Отан» және оның көлеңкесі іспетті, билікшіл партиялардың тартыссымағы. Билік өзіне керекті үш партияны (Нұр Отан, Ақ жол және Қазақстанның халық партиясы яғни бұрынғы коммунистер) таңдады, ал «Ауыл» мен «Адалды» шетке тепті. Жарайды, бұл екеуініңде оңып тұрғаны шамалы. Шындығында сайлау кеезінде ғана оянып, басқа кезде тымтырыс жатқан партияларғада сол керек. Айтқым келгені ол емес, Басқа. Сайлауда жеңіске жеткен партиялар депутаттар құрамын анықтады. Бір ақарағанда парламент 60-70 пайызға жаңарды, жасарды деуге болады. Бірақ иа бірақ партиялық тізіммен өткен депутатар арасынан халықтың сөзін сөйлейтін, ұлтты ұйыстыра білетін тұлғаны көрмедім.
Кешегі Шерхан Мұртазадай биік мінберден күнше күркіреп, елдің жайын айтып, халықтың мұңынын мұңдайтын, мемлекеттің болашағына алаңдайтын азаматтарды көре алмадым. Бір кем дүние деген осы болар. Бірер саясасаттанушы, һәм журналист, ақындар өткен екен. Алайда олар партияның шеңберінен шығып бір деңе айтады деудің өзі артық. Өйткені оларда Шерағаңның мысы жоқ. Өңкей биліктен именетіндер, жоғары жақ не айтса бас шұлғитындар.
Ал олар парламент креслосында отырған бес жылда ұлттың мүддесі үшін жан алып, жан беріседі деп ойламаймын. Дәл сол секілді әр деңгейдегі Мәслихатқа барған депутатардың құрамынан айтулы тұлғаларды кездестірмедім. Мұның бәрін неге айтып отырмын. Өйткені Билік жаңа партияларды тіркемеді. Бас тартты. Сол себепті парламентке шеңберге симайтын, ұлттың мүддесін ойлайтын, халықтың сөзін сөйлейтін азаматтар бармады. Партиялар арасында бәске болған кезде ғана саясаттың көрігі қызатыны белгілі емес пе?
Демек ешқандай айтары жоқ, бастамасы жоқ билікшіл партияның өкілдері парламентке шоғырланған жерде, тартыс туады, ақиқат айтылады деп айтудың өзі қиын. «Баяғы жартас, бір жартас» деген осы. Еліміздің саяси алаңында үлкен өзгерістер болуы үшін жаңа партиялар керек. Бір емес бірнеше партиялар тіркеліп жатса, артықтық етпейді. Соның ішінде біз құжатын тапсырып қойған экологиялық партия “Байтақ-Болашақ” болып жатса, құт үстіне құт болар еді. Өйткені елімізде үлкен өзгерістер, саяси және экономикалық реформалар өте қажет. Бұрынғы сарынмен өмір сүруге болмайды.
