USD 426.77
EUR 509.95
RUB 5.89
«Алыптың қуаты – халықта, халықтың қуаты – бірлікте!»
 
RSS лента

Коронавирусты қайта жұқтыру мүмкін бе?

  • 06.қараша.2020, 18:39,
  • 144

Коронавирусты қайта жұқтырудың бес оқиғасы белгілі – профессор Алмаз Шарман. Қайтадан жұқтырудың болмайтынына 100 пайыз кепілдік жоқ.

Қазақстанның Профилактикалық медицина академиясының президенті Алмаз Шарман Алматы Өңірлік коммуникациялар қызметіне берген сұхбатында COVID-19-бен ауырып, жазылғандардың қауіпсіздік және алдын алу шараларын сақтау қажеттілігіне қатысты сұрақтарға жауап берді, сонымен бірге, тұрғындармен жалпы ұсыныстармен бөлісті.


Зерттеулерге сәйкес, ауырып, жазылып шыққандарда антиденелер пайда болып, дамиды. Бірақ, соған қарамастан, оның қанша уақыт сақталатыны белгісіз.


"Коронавируспен ауырып, жазылғандар бәрібір қауіпсіздік шараларын сақтаулары керек. Себебі, коронавирустан басқа да біраз инфекциялар бар. Әсіресе қазір, тұмау маусымы басталып жатыр және аурудың алдын алып, ескерту маңызды. Тіпті егер сіз ауырып, жазылған болсаңыз да, коронавирус мұрын қуысында болуы мүмкін, және вирус қол арқылы берілуі (жұғуы) мүмкін. Міне, сол себепті де маскалардың қалай болғанда да тиімділігі бар. Әлеуметтік қашықтықтың да маңызы зор. Коронавирусты қайтадан жұқтырудың 5 оқиғасы белгілі. Осындай фактілер бар. Сол себепті, қайтадан жұқтырудың болмайтынына 100 пайыз кепілдік жоқ", - деп атап өтті А.Шарман.


"Ауруды жұқтырғандардың бәрінің иммунитеті дамитыны белгілі нәрсе. Бірақ, сонымен бірге, басылу (сөну) феномені де бар, антиденелердің бастапқыда циклы жоғары болады, бірақ неліктен екені белгісіз, кейіннен төмендеп кетеді. Алайда тағы бір үшінші жағдай бар, ол - вирустың мутацияға ұшырайтыны, ол өзгеріп отырады. Соған қарамастан, оның өзгеріп отыратыны, дереу күшейіп, болмаса әлсірейтіні туралы дәлелдер бар", - деп атап өтті профессор.


Қала тұрғындарының алдын алу шараларын күшейту қажеттігі туралы айтқан қазақстандық профессор масканы қолдану кезінде оны дұрыс киіп, тағып жүру маңыздылығын атап өтті. Одан бөлек, әлеуметтік қашықтықты сақтау және адамдар көп жиналатын орындарға барудан шектелу сияқты басқа да алдын алу шараларын сақтау маңызды.


"Маска тағу өте маңызды. Бірақ, масканы дұрыс таққан жөн. Мен көп адамның маскаларын мұрындарын ашып, иегіне тағып жүретінін жиі көремін. Мен бәріне үнемі вирустардың көбі мұрын қуысында болатынын естеріне саламын, жай ғана ауызды жабу арқылы олар не өздерін, не басқаларын қорғамайды. Сол себепті масканы тағу және оны дұрыс тағу маңызды. Екіншіден, маска тағу арқылы сіз тек өзіңізді ғана қорғап қоймай, басқаларын да ойлайсыз. Мен басқа адамдар туралы ойлаймын – көбі осылай ойлауы керек. Үшіншіден, адамдар көп жиналатын орындардан аулақ жүруге тырысу қажет. Еуропа мен АҚШ-та неге екінші толқын басталып кетті. Күннің салқындауына байланысты, адамдар ғимарат ішінде жиі отыратын болды. Нәтижесінде, адамдардың топтасуы болады, ал көптеген ғимараттардың желдетілуі қиын. Бұл темекінің түтіні сияқты. Егер сен ауасы желдетілмейтін бөлмеде отырсаң, темекінің түтіні бөлмеде айналып жүреді. Егер ғимаратта вирусты жұқтырған адам болса, вирусы бар аэрозоль ауада таралып, басқаларға жұғады. Сол себепті, адамдар көп жиналатын орындардан, әсіресе, жабық ғимараттарға барудан аулақ жүріп, бөлмені желдетіп, қашықтық сақтау керек. Осы ережелерді сақтау арқылы өзіңді аурудан қорғауға болады", - деп қорытындылады А.Шарман.

скачать dle 12.0
Тағы да оқыңыздар:
15.09.2020
18.07.2020
18.07.2020
05.07.2020
27.03.2020
ПІКІР
12 июня19:01,
сараптама
Әке - асқар тау  
«    Маусым 2021    »
ДсСССрБсЖмСнЖс
 123456
78910111213
14151617181920
21222324252627
282930