Ақтауда мотоциклші атты қағып кеткен сәт видеоға түсіп қалды, - деп хабарлайды Lada.kz.
Басылымның мәліметінше, бұл оқиға бүгін, 24 қыркүйекте шамамен сағат 05.00-де болған. Маңғыстау облысының Денсаулық сақтау басқармасының мәліметінше, мотоциклші мен оның қасында отырған жолаушы қыз ауруханаға жеткізілген.
"1998 жылғы ер адам пен 2004 жылғы жолаушы қыз зардап шеккен. Ер адамға ота жасалған, қазір ол анестезиология-реанимация және интенсив терапия бөлімінде жатыр.
Екінші зардап шеккен жолаушы қыз ми жарақатын алды. Ол Маңғыстау облыстық көпсалалы балалар ауруханасына жеткізілді. Жағдайы тұрақты деп бағаланып отыр", - деді Денсаулық сақтау басқармасындағылар.
#мотоцикл #жол #апат #видео
