Оқиға кеше түнде Зачаган кентінде "Молодежная" аялдамасы тұсында болды. Борттық нөмірі 174, мемлекеттік нөмірі 614 KP 07 патрульдік полиция автокөлігі жолдан өтіп бара жатқан қызды қағып кеткен.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдемге сағат 21.58-де қоңырау шалынды. Бригада 22.05-те жетті.
Жол-көлік оқиғасы салдарынан 1998 жылғы қыз зардап шекті.
"Алдын ала диагноз бойынша ол бас пен мидың жарақатын алған. Қалалық көпбейінді ауруханаға жеткізілді", - деді Сақпосынова.
Фото авторы : holanews.kz
