ШҚО полиция департаменті баспасөз қызметінің мәліметінше, оқиға бүгін Глубокое ауданы Прапорщиково ауылындағы "Өскемен-Шемонаиха" тасжолында болған.
Балалар спорт жарысына қатысу үшін автобуспен облыс орталығынан Шемонаиха ауданына бара жатқан.
Алдын ала мәлімет бойынша, Howo жүк көлігі қарсы жолаққа шығып кетіп, қоғамдық көлікпен соқтығысқан. Қоғамдық көлікте 53 жолаушы отырған, оның 46-сы - бала.
"Облыстық денсаулық сақтау басқармасының хабарлауынша, қазіргі уақытта жедел жәрдем жол апатына тап болғандардың барлығын тексеру үшін ауруханаға апара жатыр. Көз жұмған ешкім жоқ. 8 адам зардап шеккен", - ШҚО әкімдігі.
