Орал қаласының орталық бөлігі сусыз қалды. Басқа шағын аудардарға су беруге шектеу қойылды. "Батыс Су Арнасы" ЖШС қызметкерлері 12 тамызда № 3 су шығару-сору станциясында (№ 3 ШСС) апат болғанын мәлімдеді. Нысан 1968 жылы салынған және қазір сапасына сын көтермейді.
"№ 3 ШСС машина бөлімін су басты. Ол жерде су сору жабдықтары мен электр қозғалтқыштар бар. Біз қаланы сусыз қалдырмау үшін түнде суды сорғымыз келді. Бірақ көп болған соң үлгермедік. Қала орталығына су тоқтатылды. 35 мыңнан аса абонент сусыз қалды. Апатты 14 тамызды толық жоюмыз керек". - деді "Батыс Су Арнасы" ЖШС техникалық директоры.
Қазір апат орнында арнайы техника жұмыс істеп жатыр. Қалада бірнеше мекенжайда тұрғындары су беріліп жатыр.
#су #орал #апат #құбыр
