Құқық қорғау органдарының ақпарынша, апат таңертең "Батыс Еуропа – Батыс Қытай" тас жолында болған. Жол апатына түскен шетелдік көлікті 21 жастағы алматылық азамат басқарған. Спортшылар мінген көліктің Алматыдан Таразға бара жатқандығы хабарланды. Бір сәтте жүргізуші темір тұлпарды басқара алмай, нәтижесінде көлік оң жаққа төңкерілді. Оқиға орнында екі жолаушы қайтыс болды, тағы үшеуі ауруханаға жеткізілді. Олардың бірі Ілияс Жұмай бүгін, 4 тамыз күні медициналық мекемеде қайтыс болды. Полиция тергеуді бастады. Апаттың нақты себептерін СМЭ белгілейді және автомобильдің техникалық жағдайына сараптама жасайды.
Lada.kz хабарлауынша, оқиға орнында қаза тапқан спортшылардың бірі еркін күрестен Қазақстан чемпионы Жақсыбек Қарабалаев болып шыққан. Онымен бірге оқиға орнында Жанбота Байбазар көз жұмды. ҚазАқпараттың жантүршігерлік жаңалығына Жұмай мен Қарабалаев кіретін ұлттық құраманың жаттықтырушысы Аслан Байғұлов түсініктеме берді. Оның айтуынша, жігіттер үйіне қайтып бара жатқан. Сондай-ақ, Байғұловтың сөзінше, ЖКО-дан зардап шеккен екі спортшы қазір жансақтау бөлімінде жатыр.
#апат #спортшылар #өлім #полиция #жамбыл
