Оқиға 23 шілдеде шамамен 18:00-де Қостанай - Сарыкөл автожолының 10-шы шақырымында болған. Екі көлік соқтығысты.
Volkswagen Golf маркалы автокөліктің 65 жастағы жүргізушісі Қостанай бағытында бара жатып, жолдың қарсы бетіне өтіп кетіп (болжаммен рөлде ұйықтап кеткен), Mazda көлігімен соқтығысқан. Жапондық көліктің тізгінінде 53 жастағы ер адам болған.
Жол апаты салдарынан Mazda көлігін басқарған жүргізуші оқиға орнында қаза тапты. Mazda салонында отырған төрт жолаушы әр түрлі дене жарақатымен облыстық ауруханаға жеткізілді. 41 жастағы жолаушы ауруханада қайтыс болды.
Фото авторы : ng.kz
