Марқұмның туыстыры іске қатыстылардың жаза тартқанын қалайды. Шабуылдаған 16 адам ішінен тек біреуі кінәсін мойындады. Күдікті ұсталып, Тараз қаласының уақытша ұстау изоляторына қамауға алынған.
"Алдымызға келсе, кішкентай да болса ашуымыз басылып, кішкентай да болса, қайғымызға ортақтасқанда шеріміз тарқар еді. Бірақ ондай іс-әрекет көрмедім", - дейді марқұмның әкесі Бейсенбай Құтышев.
Оралбек Кедебаев төрт досымен бірге 16 адамға қарсы шықты. Арасында өздерінен бірнеше жас үлкендері де болыпты. Төбелеске қатысушылардың айтуынша, қарсыластары марқұмды пышақтаған соң қашып кеткен.
Көп қан жоғалтқан жасөспірімді дәрігерлер құтқара алмады. Ал тәртіп сақшылары осы іске қатысты тек 16 жастағы бір күдіктінің ұсталғанын айтады.
"Қазір төбелеске қатысушылардың бәрі анықталып, жауап алынды. Аталған дерекпен Қылмыстық кодекстің 99-бабы, 2-бөлімімен сотқа дейінгі тергеу амалдары басталды", - деді Жамбыл облыстық полиция департаменті.
