Тергеу кезінде Бақауов Қылмыстық кодекстің 362-бабы, 4-бөлімінің 3-тармағы – "өзi немесе басқа адамдар немесе ұйымдар үшін пайда мен артықшылықтар алу не басқа адамдарға немесе ұйымдарға зиян келтiру мақсатында билiктi немесе лауазымдық өкiлеттiктерді асыра пайдалану" бойынша жауапқа тартылған болатын. Бұл тармақ бес жылдан он жылға дейін бас бостандығынан айыру жазасын қарастырады. Сондай-ақ, сотталған адамның мүлкі тәркіленеді.
Алайда сотқа түскен қылмыстық істің бабы өзгертілді. Енді экс-әкімге Қылмыстық кодекстің 361-бабы, 4-бөлімінің 3-тармағы – "ауыр салдарға әкеп соққан лауазымдық өкiлеттiктерді теріс пайдалану әрекеттер" бойынша айып тағылып отыр. Бұл баптың жазасы жеңілдетілген, жеті жылға дейін бас бостандығын шектеу немесе айыру жазасы қарастырылған.
Бұдан бөлек, Павлодар облысының бұрынғы басшысының қылмыстық ісі жеңілдетілген тәртіппен қаралады. Себебі Болат Бақауов прокурормен процессуалды келісімге келді.
