Іс Медеу аудандық № 2 сотында қаралған. Бұрынғы тәрбиешіге ҚР Қылмыстық кодексінің "Адамды ұрлауға оқталу" бабы бойынша айып тағылған.
Сот баспасөз қызметінің мәліметінше, әйел алты жылға бас бостандығынан айырылған. Ол жазасын қауіпсіздікі орташа қылмыстық атқару жүйесінде өтейтін болады.
"Аяқталмаған қылмыс үшін Қазақстан Республикасы Қылмыстық кодексінің 56-бабына сәйкес қылмыс жасағаны үшін жазаның мерзімі немесе мөлшері аяқталған қылмыс үшін осы Кодекстің Ерекше бөлімінің тиісті бабында көзделген жазаның негізгі түрінің ең жоғары мерзімінің немесе мөлшерінің төрттен үшінен аспауға тиіс", - деп хабарлады сотта.