Бүгін Мәжіліс депутаттары "ҚР-да бейбіт жиналыстарды ұйымдастыру және өткізу тәртібі туралы" заң жобасына Парламент Сенаты енгізген өзгерістер мен толықтыруларды қолдап, дауыс берді.
"Заңнама және сот, құқықтық реформа комитеті аталған заң жобасына Парламент Сенаты енгізген өзгерістер мен толықтыруларды қарап шығып, мына жайларды атап өтеді. Атап айтқанда республикалық маңызы бар қалалардың, астананың және облыстық маңызы бар әкімшілік орталық аудандарында бейбіт жиналыстарды ұйымдастырудың арнайы орындарының міндетті санын белгілеу, тұрмыс-тіршілік нысандарының, көлік пен өзге де инфрақұрылымның жұмыс істеуінің бұзылуы, азаматтардың еркін жүріп-тұруына кедергі келтіру сияқты бейбіт жиналысты өткізуден бас тарту негізін алып тастау ұсынылады. Өйткені мұндай кедергілерді билік нақты әрі арнайы орынды белгілеу кезінде ескеруі және олардың алдын алуы тиіс", - деді Заңнама және сот, құқықтық реформа комитетінің мүшесі, депутат Қанат Мусин Мәжілістің жалпы отырысында.
Парламент бейбіт жиналыстарды өткізу туралы хабарлама рәсімін енгізеді. Ол бойынша, жиын ұйымдастырушысы жергілікті билікке хабарлау жеткілікті. Бірақ хабарламаның тағы бір нысаны қолданылады - келісім бойынша өтініш. Оның басты айырмашылығы қатысушылардың қозғалыс бағытын, оның басталу және аяқталу нүктелерін, ұзындығын, көлік құралдарын пайдалану туралы мәліметтерін көрсетеді.
