Отырыста қоғам белсенділері Қазақстанда бейбіт митингілерді онлайн жүргізуге ұсыныс білдірді.
"Өздеріңіз білесіздер, бізде әлеуметтік желілер үлкен рөл атқарады. Сондықтан, осы заңда (ҚР бейбіт жиналыстарды ұйымдастыру және өткізу тәртібі туралы) әлеуметтік желілер тенденциясының жүзеге асқанын қалаймын. Мұнда онлайн-митингілер, онлайн-сауалнамалар өткізуге болады. Сөйтіп, кез келген адам онлайн-митингілер арқылы өз пікірлерін білдіре алады", - деді Болат Жұматаев.
Ақпарат және қоғамдық даму министрі Дәурен Абаев бұл ұсыныстың назарға алынатынын айтты.
"Бұл керемет идея. Біз сіздің ұсынысыңызды мұқият зерттейміз. Мұнда шынымен логика бар. Мұны қарастыруға болады. Бірақ ғаламтордағы митингілер, сауалнамалар "Халық үніне құлақ асатын мемлекет" тұжырымдамасы аясында өткізіледі. Егер бәрі онлайн режимінде болса, онда неге болмасқа", - деді Дәурен Абаев.
