«Қазақстан Республикасында бейбiт жиналыстар, митингiлер, шерулер, пикеттер және демонстрациялар ұйымдастыру мен өткiзу тәртiбi туралы» Заңның 4-бабы шеңберінде Нұр-Сұлтан қаласының жергілікті атқарушы органы 2019 жылғы 30 маусымда бейбіт митингілерді белгіленген орындарда өткізуге рұқсат берді», - делінген ресми хабарламада.
«Прокуратура туралы» Заңның 32-бабына сәйкес құқық бұзушылықтардың алдын алу, қоғамдық қауіпсіздікті қамтамасыз ету және азаматтардың құқығын қорғау мақсатында төмендегі тәртіпті түсіндірді.
Заңның 7-бабына сәйкес, бұқаралық іс-шараларды темiр жол, су және әуе көлiгiнiң объектiлерiнде, сондай-ақ мемлекеттiң қорғаныс қабiлетiн, қауiпсiздiгiн және халықтың тiршiлiгiн қамтамасыз ететiн ұйымдардың жанында, денсаулық сақтау мен бiлiм беру мекемелерiнiң жанында өткiзуге жол берiлмейдi.
Егер митинг өткізуге өтініш берілмесе, оған тыйым салу туралы шешім шығарылса, оларды өткізу тәртібі бұзылса, сондай-ақ азаматтардың өмірі мен денсаулығына қауіп төніп, қоғамдық тәртіп бұзылса Бейбіт жиналыстар туралы Заңның 8-бабы бойынша жергілікті атқарушы орган өкілінің талабымен тоқтатылуы тиіс.
