Пәнді енгізу «Цифрлық Қазақстан» мемлекеттік бағдарламасы аясында жүзеге асырылады.
"Біз 2020 жылы да осы жұмыстарды жалғастырамыз. Бағдарламалау негіздері пәнін 1-сыныптан бастап енгіземіз. Алматы қаласында екінші "Әлем" және АХҚО базасында QWASAR бағдарламалау мектептерін ашамыз. Цифрлық сауатты 80 пайызға жеткіземіз", - деді Жұмағалиев.
Министрдің айтуынша, еліміздің барлық мектептері компьютермен жабдықталып үлгерген. Ал 2020 жылы кең жолақты интернетке 880 ауыл қосылады. Қазіргі уақытта мектептердің 93 пайызы интернет желісіне қосылған.
