ҚДТ тірлігінен біраз болсын хабары барлар, Жанар Ахметова есімін естіген болар. Киевте жүрген қашқын тікелей эфирлерде ұйым елдің түрлі аймақтарында жұмыс істейтінін айтумен келді.
Алайда желіде Ахметованың дауысына өте ұқсас азамтшаның аудио-хабарламасы тарады.
Таспадағы сөйлеуші жасап жатқан ісінен шаршағанын, еш қолдау көрмей, құр жұмыс күшіне айналғанына наразы. Анасы ұйғыр екендігін басып айтып, қазақ халқының "жанашыры" болудан жалықты деседі.
"Мұхтарға айттым, мен шаршадым. Орныма басқа адам табыңдар. Өздерің-ақ қазақ болыңдар, менің анам - ұйғыр. Ескертпеді демеңдер, көмектеспесеңдер - кетемін, тастаймын бәрін. Тастасам - барлығы да құриды", - дейді Жанар Ахметоваға ұқсайтын дауыс иесі.
Бұл таспадағы дауыс расымен Ахметоваға тиесілі болса, халық онсыз да күмән келтіретін Әбілязов тобына сенуден қалады. Париждегі қашқынның айтуынша, ұйым мүшелері діттегенінен таймай, бір-біріне қолдау көрсетуде. Алайда мүше тапшылығы мен ұйым ісіне деген енжарлығы аталмыш таспадан-ақ байқалады.
