"Сіздер онда біздің азаматшамыздың барын білесіздер. Қазіргі уақытта ол үкімге шағым түсіру кезеңінен өтіп жатыр. Бізде сотталған адамдарды беру туралы Қытаймен екіжақты келісім бар. Қытай сотының соңғы шешімін күтетін боламыз. Егер ақтайтын болса, бұл тамаша болар еді. Егер сотталса, ол ұсыныс айтуға құқылы, бізде өз тарапымыздан оның Қазақстан аумағында жазасын өтеу туралы сұраныс жіберуге құқығымыз бар", - деді Марат Ахметжанов Мәжіліс кулуарында журналистержің сұрағына жауап беру кезінде.
Ақжарқын Тұрлыбай есірткі тасымалдау айыбын жоққа шығарды. Қыз баланы 2014 жылы ұстаған. 2015 жылы сот қазақстандық қызды өмірбойына бас бостандығынан айырған еді. Алайда 2016 жылы мамырда сот үкімінің күші жойылып, іс қайта қаралуға жіберілді.
Фото авторы : sputniknews.kz
