Ата – аналар мектеп формасының жеткізушісін өздері таңдайды. Бастысы, Ануар Жангозин атап өткендей, сатып алынатын форма талаптарға сәйкес болуы керек – мектеп формасының түсі қара көк классикалық стильде болуы тиіс.
«Ата-аналар мектеп формасын сатып алу керектігі туралы ойлай бастады деп ойлаймын. Тағы да атап өткім келеді, бізде бегілі бір жектізушіні таңдап ал деген талап жоқ, бізде жалпы алғанда дайын эскиздер жоқ. Жалғыз талап – мектеп формасы қара көк түсті болуы тиіс. Қайда ол сатып алынатынына – базарда, дүкенде немесе ательеде арнайы тікіледі ме – біз үшін маңызды емес. Мектеп логотипі жеке жасалынады, ол киімге тігіледі. Бұл да ата – аналардың қарап шешуіне байланысты. Ұлдар үшін бірыңғай форманың құрамы туралы айтатын болсақ – бұл жилетка, шалбар, ақ жейде. Қыздар үшін бұл сарафан, шалбар, жейде немесе жилет-жейде-белдемше», - деп Ануар Жангозин Нұр-Сұлтан қаласындағы брифингте мәлімдеген болатын.
