Енді азаматтар қару сатып алуы үшін кәмелеттік жасқа толғанын, бұрын сотталмағанын және медициналық анықтамалар ұсынып, қару ұстаудың қауіпсіздік ережелерін білетіндігін дәлелдеуі керек.
Бұл қарумен жасалатын қылмыстың жиіленумен байланысты деп түсіндірді Ішкі істер министрлігі Әкімшілік полиция комитетінің төрағасы Мақсат Байболов.
"Үй ауласында ойнап жүрген балаларды пневматикалық тапаншамен қорқытқан мас адамды полиция өкілдерінің ұстаған видеосы әлеуметтік желіге тараған болатын. Сол оқиға сөзімізге мысал бола алады", - деді М. Байболов.
