Шілденің 6-сы күні кешкі сағат 19:00 шамасында Алматыдағы орталық стадион маңы полиция мен арнайы жасақ өкілдеріне толы болды. Олар Балуан Шолақ спорт сарайы алдында жүрген адамдардан не үшін келгенін сұрап, кейіннен ұстай бастады.
Нұр-Сұлтанда да полиция жүзге жуық адамды ұстады.
Осы күні Шымкентте де полиция ондаған адамды ұстады. Шымкентте формасыз жүрген кейбіреулер полицейлерге адамдарды ұстауға көмектесті.
Әзірге қанша адам ұсталғаны, әкімшілікке жазаға тартылғаны туралы нақты дерек жоқ. Жергілікті полиция департаменттері я ішкі істер министрлігіне сілтейді, я жауап бермейді.
