18 қараша күні "Тұлпар-Тальго" пойыз жолсеріктерінің үстіне жолаушы әйелді зорлады деген арыз түсті. Жапа шеккеннің айтуынша, түнде жолсерік құлттаулы тұрған купені ашып кірген, артынан келген жолсерік те қосылып оған зорлық көрсеткен болатын.
"НеМолчиKZ" фонд басшысы Дина Тансаридің сөзінше, тергеу басталғалы күннен күдіктілер бостандықта жүрген еді.
"Өте ауыр іс болғандықтан, күдіктілер тұтқындалу керек еді. Полиция оларды тұтқындап, үкім шығарғанға дейін қамауға алулары тиіс. Алайда біреуін кепілдікпен, екіншісін үй қамауымен босатты. Өтініш жаздық, бірақ заң бұндайды болдырады деген сот оны қабылдамады", - деді Дина Тансари.
Фото авторы : arnapress.kz
