«Біз қазір соңғы дайындық жұмыстарын жүргізіп жатырмыз. Концерттің жоғары деңгейде өтуі үшін көптеген мамандар еңбек етуде. Бәрі де ойдағыдай өтеді деген ниеттемін. Концерттің басты ерекшелігі - оның өз Отанымда өтуі. Ал оның барысына келсек, жанкүйерлерім біледі - мен орындамай жатып, былай жасаймын деп алдын ала айтқанды ұната бермеймін. Айтарым - жеке концертімде көптеген жаңа әндерді орындаймын», - деді Д. Құдайберген.
Ана тіліндегі орындалатын әндерден бөлек, америкалық және еуропалық сазгерлердің арнайы жазған әндері де шырқалмақ. Әрбір әнге жекелеген айрықша қойылым жасалуда.
«Жоғары деңгейдегі қойылымдық нөмірлер үшін балет труппасына халықаралық алаңдарда өнер көрсетіп жүрген еліміздің ең үздік бишілері мен акробаттары тартылды. Оның ішінде, «Notre dame de Paris» мюзиклінің әртістері, «Танцы на ТНТ» жобасының қатысушылары және батуттық гимнастика бойынша спорт шеберлері бар», - деді Д. Құдайберген.
