Қазақ халқына аты танылған "Голос. Дети" жоба жеңімпазы Ержан Максим алғаш рет үлкен сахнада өнер көрсетпек. Елорда күніне арналған айтулы шара ҚР Спорт және мәдениет министрлігі ұйымдастыруымен өтеді.
«Орындаушының жасы жеке концертті өткізуге еш кедергі емес, Ержан бұл іске үлкен жауапкершілікпен дайындалуға кірісті. Қазіргі таңда жас дарын Қазақстанның еңбек сіңірген қайраткерлері Ұлықпан Жолдасов және Ренат Гайсин сынды композиторлармен композиция жазу үстінде. Бұл - Ержанның репертуарындағы алғашқы авторлық әндер. Аталмыш шығармаларды жеке концертке келген көрермендер алғашқылардың бірі болып тыңдайды» делінген хабарламада.
Н. Назарбаевтың «Отан-Ана», Э. Карменнің «All by Myself», М. Магомаевтың «Синяя вечность» сынды туындылар «Солистер академиясы» Мемлекеттік камералық оркестрінің сүйемелдеуімен шырқалады.
Сәкен Майғазиев, Ұлықпан Жолдасов, Ренат Гайсин, Айқын Төлепберген, Мөлдір Әуелбекова, Әбдіжаппар Әлқожа сынды қазақстандық орындаушылар Ержанға қолдау көрсетіп, жас дарынмен бірге ән шырқайды.
Билеттерді қала кассаларында және BiletiAstani.kz. сайтынан алуға болады.
