ҚР Білім және ғылым министрлігінің жоғары оқу орнынан кейінгі білім беру департаментінің директоры Әділет Тойбаевтың айтуынша, ҰБТ-ның алғашқы күнінде республика бойынша 12 772 түлек бақтарын сынаған.
Жалпы бірінші лекте тест тапсыруға еліміздің 6 өңірінен 13068 түлек өтініш тапсырған. Оның 97 пайызы тестілеуге қатысты. 11 361 түлек - қазақ тілінде, 1411 түлек - орыс тілінде. Барлығы 39 тест тапсыру бекеті жұмыс жасады.
«ҰБТ-ның шектік деңгейінен сүрінбей өткен түлектер саны - 9338. Бұл 76,5 пайыз деген сөз. Ал шектік балды жинай алмаған түлектер саны - 3434», - деді департамент басшысы.
