USD 419.54
EUR 509.2
RUB 5.72
«Алыптың қуаты – халықта, халықтың қуаты – бірлікте!»
 
RSS лента

Биыл экономика өседі

  • 12.қантар.2021, 12:20,
  • 36

Ұлттық экономика министрі Руслан Дәленов Үкімет отырысында еліміздің 2020 жылғы әлеуметтік-экономикалық даму қорытындылары туралы баяндады. 

Руслан Дәленов атап өткендей, 2020 жылы экономика дамуының негізгі факторлары экономиканы қолдаудың ауқымды шаралары, өндіруші емес секторлардағы инвестициялық белсенділік, нақты сектордың өсуі және сауда балансының оң сальдосы, сондай-ақ экономиканы кредиттеудің ұлғаюы болды.


2020 жылдың қорытындылары ағымдағы жылғы экономикалық өсудің берік негізін қалайды, - деді министр.


Оның айтуынша, 2020 жылы нақты сектор экономикалық драйверге айналып, 2%-ті құрады. Көрсетілетін қызметтер саласы үшін жыл минус 5,6%-пен аяқталғанмен, соңғы айларда динамика орныға бастаған. Нәтижесінде, ЖІӨ өсу қарқыны минус 2,6%-ті құрады. Бұл 11 айдағы динамикадан жоғары.

Нақты сектор салаларының көбі дерлік және жекелеген қызмет түрлері оң өсу қарқынын көрсетті. Олар құрылыс (11,2%-ке өсу), ақпарат және байланыс (8,6%), ауыл шаруашылығы (5,6%), өңдеу өнеркәсібі (3,9%) және білім беру (2,3%) салалары.

Ұлттық экономика министрлігінің дерегі бойынша, экономика құрылымының сапалы өзгеруі орын алды.

2020 жылы өнеркәсіптің жалпы көлеміндегі өңдеудің үлесі 9,4 проценттік тармаққа, яғни 2019 жылғы 39,4%-тен 2020 жылы 48,8%-ке дейін артты. Жеңіл өнеркәсіптің, автомобиль жасаудың және дайын металл бұйымдарының екі мәнді өсуі байқалады. Өңделген, дайын тауарлардың экспорты ұлғайды.

Өндірістің өсуінің арқасында жалпы тұтынудағы қазақстандық тауарлардың үлесі 4,7 проценттік тармаққа өсті.

Электрондық сауда үлесі 6 проценттік тармаққа, қолма-қол ақшасыз төлемдер көлемі 2 есеге, сондай-ақ, кен өндіруді есепке алмағанда инвестициялардың 14,8%-ке өскені байқалады.



#экономика #қаржы #қазақстан #ұэм #дәленов

скачать dle 12.0
Тағы да оқыңыздар:
25.08.2020
17.03.2020
11.09.2019
15.08.2019
26.08.2019
ПІКІР
12 қантар12:20,
Экономика
Биыл экономика өседі  
05.09.2019, 09:30 388 593

Айгүл Орынбек


Егер де елімізде орын алып жақтан қысым мен қудалай болмаса, бейбіт шеруге қатысар едіңіз бе?
«    Қантар 2021    »
ДсСССрБсЖмСнЖс
 123
45678910
11121314151617
18192021222324
25262728293031