"2020-2025 жылдары денсаулық сақтау саласын дамыту мемлекеттік бағдарламасында 2025 жылға дейін денсаулық сақтау шығындарын ЖІӨ 5% дейін жеткізу қарастырылған. 2019 жылдан 2025 жылға дейінгі денсаулық сақтаудың жалпы шығындары 28 трлн теңгені құрайды. Оның 13 трлн теңгесі немесе 47% мемлекеттік бюджеттен, МӘМС активтерінің шығысы - 3 трлн теңге немесе 11%, халықтың шығысы - 11,8 трлн теңге", - деді Б. Жақсылықова ҚР Парламенті Сенатында өткен жиналыста.
Сондай-ақ, Денсаулық сақтау министрлігі дәрігерлер мен медициналық қызметкерлердің орташа жалақысын жариялады. 2020 жылдың қаңтарынан бастап, дәрігерлердің жалақысын 30%, орташа медициналық қызметкерлердің жалақысын - 20% арттыру ескеріле отырып, барлық медициналық көмек көрсету тарифтері көтерілді.
