Ол тоғыз айдың қорытындысы бойынша Қазақстанда инфляцияның өскенін атап өтті.
"Көкөніс бағасының 8,7%-ке және жеміс бағасының 2,4%-ке маусымдық төмендеуіне қарамастан, жоғарыда аталған факторлардың қысымымен Қазақстанда инфляция 8,9%-ке жетіп, қарқын алуын жалғастырды", - деді Ерболат Досаев.
Оның айтуынша, бір айда ет (1,3%), өсімдік майы (0,6%) және қант (1,1%) бағасының өсуіне байланысты 11,4%-тен 11,5%-ке дейін жеделдеген азық-түлік инфляциясы негізгі үлес қосуды жалғастыруда. Азық-түлікке жатпайтын инфляция қыркүйекте дизель (бір айда 3,8%), газ (0,9%) және көмір (1,9%) бағасының көтерілуі аясында 7,3%-тен 7,5%-ке дейін 0,2 пайыздық тармаққа өсті.
"Жанар-жағар майдың бұдан былайғы қымбаттауы және дәнді-дақылдар бағасының өсу ықтималы инфляцияны тұрақтандыруға айтарлықтай тәуекел тудырады", - деп атап өтті ол.
Досаевтың пікірінше, сыртқы инфляциялық ауанның, әсіресе Ресей Федерациясы сияқты негізгі сауда әріптестері болып табылатын елдердің инфляциялық аясының нашарлауы инфляциялық қысымның қосымша көзі болып табылады.
Мұндай жағдайларда монетарлық емес факторларды тұрақтандыруға бағытталған Инфляцияға қарсы ден қою шараларының кешенін тиімді іске асыру 2021 жылы инфляцияны дәліздің жоғарғы шегі 7,5-8,5%-ке қайтаруы тиіс. Өз тарапынан, Ұлттық Банк сыртқы нарықтар мен ішкі ахуалға жан-жақты талдау жасау негізінде дезинфляциялық ақша-кредит саясатын жүргізуді жалғастырады.
