Mash Telegram-арнасының журналистері Алексей Навальный "Путиннің сарайы" деп таныстырған Геленджиктегі нысанға барды. Репортажда "сарайда" құрылыс жұмыстары жүргізіліп жатқаны көрсетілді.
Сюжет авторының сөзінше, оны "техникалық қадағалау өкілі" кіргізген. Ол сарайдың құрылысын алты жылдан бері бақылап келе жатқан екен. Ол "бірнеше рет бас тартқан, бірақ нәтижесінде өзі қайтадан хабарласқан", ал журналистер ғимаратқа келген кезде нысанды бір сағат бойы түсіруге рұқсат берген.
Құрылысшылардың сөзінше, ғимараттағы жөндеу жұмыстары бес-алты жылдан кейін аяқталады екен.
Ғимарат кімге тиесілі екенін анықтау мүмкін болмаған.
Ресейлік эколог және қоғам белсендісі, "Экоқылмысқа қарсы азаматтық бастама" АКЕҰ атқарушы директоры Дмитрий Шевченко Deutsche Welle басылымына берген сұхбатында Краснодар аймағындағы Идокопас мүйісінде орналасқан "Путиннің сарайына" қалай кіргенін айтып берді.
